ಪಾರದರ್ಶಕ ಮತ್ತು ವರ್ಣರಂಜಿತ ಶೌಚಾಲಯಗಳು
ಟೋಕಿಯೋ, ಅಗಸ್ಟ್ 23: ನಮ್ಮಲ್ಲಿ ಹೆಚ್ಚಿನವರು ಸಾರ್ವಜನಿಕ ಶೌಚಾಲಯವನ್ನು ಬಳಸಲು ಹೆದರುತ್ತೇವೆ. ಇದಕ್ಕೆ ಪ್ರಮುಖ ಕಾರಣ ನೈರ್ಮಲ್ಯ ಮತ್ತು ಸ್ವಚ್ಛತೆಯ ಅಂಶ. ಈ ಸಮಸ್ಯೆಗಳನ್ನು ಪರಿಹರಿಸುವ ಪ್ರಯತ್ನದಲ್ಲಿ, ಟೋಕಿಯೊ ಎರಡು ಸಾರ್ವಜನಿಕ ಉದ್ಯಾನವನಗಳಲ್ಲಿ ಹೊಸ ಶೌಚಾಲಯಗಳನ್ನು ನಿರ್ಮಿಸಿದೆ. ಅದರ ವಿಶೇಷವೇನೆಂದರೆ,
ಮೊದಲನೆಯದಾಗಿ ಅವು ವರ್ಣರಂಜಿತವಾಗಿದೆ ಮತ್ತು ಚೆನ್ನಾಗಿ ಹೊಳೆಯುತ್ತವೆ. ಎರಡನೆಯದಾಗಿ, ಅವು ಪಾರದರ್ಶಕವಾಗಿವೆ. ಹೊರಗಿನಿಂದ, ಗಾಜಿನ ಗೋಡೆಗಳ ಮೂಲಕ ವಾಶ್ ರೂಂ ಒಳಗೆ ಸ್ಪಷ್ಟವಾಗಿ ಕಾಣಬಹುದಾಗಿದೆ. ಆದರೆ ಒಂದು ಟ್ವಿಸ್ಟ್ ಇದೆ. ಬಾಗಿಲು ಲಾಕ್ ಮಾಡಿದಾಗ ಹೊರಗಿನ ಗಾಜು ಅಪಾರದರ್ಶಕವಾಗಿರುತ್ತದೆ.
ಈ ಹೊಸ ವಾಶ್‌ರೂಮ್‌ಗಳು ಶೌಚಾಲಯ ಸ್ವಚ್ಛ ವಾಗಿದೆಯೇ ಮತ್ತು ಯಾರಾದರೂ ಅದನ್ನು ಬಳಸುತ್ತಿದ್ದರೆ – ಹೊರಗಿನಿಂದ ನೋಡಿ ತಿಳಿದುಕೊಳ್ಳ ಬಹುದಾಗಿದೆ.
ಟೋಕಿಯೊದ ಸಾರ್ವಜನಿಕ ಉದ್ಯಾನವನದಲ್ಲಿ ಪಾರದರ್ಶಕ ಮತ್ತು ವರ್ಣರಂಜಿತ ಶೌಚಾಲಯಗಳು.
ಸಾರ್ವಜನಿಕ ಶೌಚಾಲಯಗಳ ಬಗ್ಗೆ ಇರುವ ತಪ್ಪು ಕಲ್ಪನೆಗಳನ್ನು ಹೋಗಲಾಡಿಸಲು ನಿಪ್ಪಾನ್ ಫೌಂಡೇಶನ್ ಈ ಹೊಸ ರೀತಿಯ ಟೋಕಿಯೋ ಟಾಯ್ಲೆಟ್ ಯೋಜನೆಯನ್ನು ಪ್ರಾರಂಭಿಸಿತು. ಈ ಶೌಚಾಲಯಗಳನ್ನು ವಾಸ್ತುಶಿಲ್ಪಿ ಶಿಗೇರು ಬಾನ್ ವಿನ್ಯಾಸಗೊಳಿಸಿದ್ದಾರೆ. ವಾಶ್ ರೂಂ ಒಳಗಿನಿಂದ ಲಾಕ್ ಮಾಡಿದಾಗ ಗಾಜು ಅಪಾರದರ್ಶಕವಾಗುತ್ತದೆ.
ಇತ್ತೀಚಿನ ತಂತ್ರಜ್ಞಾನವನ್ನು ಬಳಸಿಕೊಂಡು, ಲಾಕ್ ಮಾಡಿದಾಗ ಹೊರಗಿನ ಗಾಜು ಅಪಾರದರ್ಶಕವಾಗಿರುತ್ತದೆ.
ಇದು ಹೊರಗಿನಿಂದ ಬಳಕೆದಾರರಿಗೆ ಸ್ವಚ್ಛತೆಯನ್ನು ಪರೀಕ್ಷಿಸಲು ಮತ್ತು ಯಾರಾದರೂ ಶೌಚಾಲಯವನ್ನು ಬಳಸುತ್ತಿದ್ದಾರೆಯೇ ಎಂದು ಪರೀಕ್ಷಿಸಲು ಅನುವು ಮಾಡಿಕೊಡುತ್ತದೆ.ಅಷ್ಟೆ ಅಲ್ಲ. ಈ ಶೌಚಾಲಯಗಳು ರಾತ್ರಿಯಲ್ಲಿ ದೀಪಗಳ ದ್ವಿಗುಣಗೊಂಡ ಬೆಳಕಿನಿಂದ ಸುಂದರವಾದ ಲ್ಯಾಂಟರ್ನ್ ನಂತೆ ಗೋಚರಿಸುತ್ತದೆ.
