ವಿಂಬಲ್ಡನ್ 2021 – ಟೆನಿಸ್ ಮಾಸ್ಟರ್ ಗೆ ಆಘಾತ ನೀಡಿದ ಹ್ಯುಬರ್ಟ್ .. ರೋಜರ್ ಫೆಡರರ್ ಗೆ ಮತ್ತೆ ನಿರಾಸೆ..!
ವಿಶ್ವ ಟೆನಿಸ್ ನ ಸಾರ್ವಕಾಲಿಕ ಶ್ರೇಷ್ಠ ಆಟಗಾರ ಸ್ವಿಜರ್ ಲೆಂಡ್ ನ ರೋಜರ್ ಫೆಡರರ್ ಮತ್ತೊಮ್ಮೆ ನಿರಾಸೆ ಅನುಭವಿಸಿದ್ದಾರೆ. 2021ರ ವಿಂಬಲ್ಡನ್ ಪ್ರಶಸ್ತಿ ಗೆಲ್ಲುವ ಫೆಡರರ್ ಆಸೆ ಕ್ವಾರ್ಟರ್ ಫೈನಲ್ ನಲ್ಲಿ ಭಗ್ನಗೊಂಡಿದೆ.
ಯುವ ಆಟಗಾರ ಪೊಲೆಂಡ್ ನ ಹ್ಯುಬರ್ಟ್ ಹ್ಯರ್ಕಾಝ್ ಅಬ್ಬರದ ಆಟದ ಮುಂದೆ ರೋಜರ್ ಫೆಡರರ್ ಅವರ ತಾಳ್ಮೆಯ ಹಾಗೂ ಅನುಭವದ ಆಟ ಪ್ರಯೋಜನಕ್ಕೆ ಬರಲಿಲ್ಲ.
ಪಂದ್ಯದ ಆರಂಭದಿಂದಲೇ ಅರ್ಮೋ ಆಟವನ್ನಾಡಿದ ಹ್ಯುಬರ್ಟ್ ರೋಜರ್ ಫೆಡರರ್ ಅವರಿಗೆ ಮೇಲುಗೈ ಸಾಧಿಸಲು ಅವಕಾಶವನ್ನೇ ನೀಡಲಿಲ್ಲ.
ಅಂತಿಮವಾಗಿ ರೋಜರ್ ಫೆಡರರ್ ಅವರು 3-6, 6-7, 0-6ರಿಂದ ಆಘಾತಕಾರಿಯಾದ ಸೋಲು ಅನುಭವಿಸಿ ನಿರಾಸೆಯಿಂದಲೇ ಅಂಗಣದಿಂದ ಹೊರ ನಡೆದ್ರು.
ದಾಖಲೆಯ 20 ಗ್ರ್ಯಾಂಡ್ ಸ್ಲ್ಯಾಂ ಪ್ರಶಸ್ತಿಗಳನ್ನು ಗೆದ್ದುಕೊಂಡಿರುವ ರೋಜರ್ ಫೆಡರರ್ ಎಂಟು ಬಾರಿ ವಿಂಬಲ್ಡನ್ ಪ್ರಶಸ್ತಿ, ಒಂದು ಬಾರಿ ಫ್ರೆಂಚ್ ಓಪನ್ ಹಾಗೂ ಆರು ಬಾರಿ ಆಸ್ಟ್ರೇಲಿಯನ್ ಓಪನ್, ಐದು ಬಾರಿ ಯುಎಸ್ ಓಪನ್ ಪ್ರಶಸ್ತಿಗಳನ್ನು ಗೆದ್ದುಕೊಂಡಿದ್ದಾರೆ.
2017ರ ನಂತರ ರೋಜರ್ ಫೆಡರರ್ ಅವರು ವಿಂಬಲ್ಡನ್ ಪ್ರಶಸ್ತಿ ಗೆದ್ದುಕೊಂಡಿಲ್ಲ. ಅದೇ ರೀತಿ 2019ರ ಆಸ್ಟ್ರೇಲಿಯನ್ ಓಪನ್ ಗೆದ್ದ ನಂತರ ಫೆಡರರ್ ಕಳೆದ ಎರಡು ವರ್ಷಗಳಿಂದ ಗ್ರ್ಯಾಂಡ್ ಸ್ಲ್ಯಾಂ ಪ್ರಶಸ್ತಿ ಗೆಲ್ಲಲು ವಿಫಲರಾಗುತ್ತಿದ್ದಾರೆ.
ಈ ನಡುವೆ, ರೋಜರ್ ಫೆಡರರ್ ಆಲ್ ಇಂಗ್ಲೆಂಡ್ ಕ್ಲಬ್ ಅಂಗಣದಲ್ಲಿ ಮತ್ತೊಂದು ದಾಖಲೆ ಬರೆಯುವ ಅವಕಾಶ ಕೂಡ ಈ ಬಾರಿ ಕೈತಪ್ಪಿ ಹೋಯ್ತು. ಮುಂದಿನ ವರ್ಷದ ತನಕ ಫೆಡರರ್ ಕಾಯಲೇಬೇಕು. ಮಾರ್ಟಿನ್ ನವ್ರಾಟಿಲೊವಾ ಅವರು ವಿಂಬಲ್ಡನ್ ನಲ್ಲಿ ಒಟ್ಟು 9 ಬಾರಿ ಪ್ರಶಸ್ತಿ ಗೆದ್ದುಕೊಂಡಿದ್ದರು. ಈ ದಾಖಲೆಯನ್ನು ಸಮಗೊಳಿಸಲು ಫೆಡರರ್ ಇನ್ನು ಒಂದು ಬಾರಿ ವಿಂಬಲ್ಡನ್ ಟೂರ್ನಿಯನ್ನು ಗೆಲ್ಲಲೇಬೇಕು.
ಇನ್ನೊಂದು ವಿಶೇಷತೆ ಅಂದ್ರೆ ರೋಜರ್ ಫೆಡರರ್ ಅವರನ್ನು ಸೋಲಿಸಿದ್ದ ಹ್ಯುಬರ್ಟ್ ಗೆ ಅವರ ಸಂಭ್ರಮಕ್ಕೆ ಪಾರವೇ ಇಲ್ಲ. ವಿಶ್ವದ ಅದ್ಭುತ ಆಟಗಾರನ ವಿರುದ್ಧ ಸಾಧಿಸಿದ್ದ ಗೆಲುವನ್ನು ಹ್ಯುಬರ್ಟ್ ಗೆ ಅರಗಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಅಂದ ಹಾಗೇ ರೋಜರ್ ಫೆಡರರ್ ಅವರು 1999ರಲ್ಲಿ ಚೊಚ್ಚಲ ವಿಂಬಲ್ಡನ್ ಟೂರ್ನಿಯನ್ನು ಆಡಿದ್ದಾಗ ಹ್ಯುಬರ್ಟ್ ಗೆ 2 ವರ್ಷ. 2003ರಲ್ಲಿ ಚೊಚ್ಚಲ ವಿಂಬಲ್ಡನ್ ಪ್ರಶಸ್ತಿ ಗೆದ್ದಾಗ ಹ್ಯುಬರ್ಟ್ ಗೆ ಆರು ವರ್ಷ. ಇದೀಗ ಹ್ಯುಬರ್ಟ್ ಅವರು ರೋಜರ್ ಫೆಡರರ್ ಅವರನ್ನೇ ಮಹತತ್ವದ ಪಂದ್ಯದಲ್ಲಿ ಸೋಲಿಸಿದ್ದಾರೆ.