ಈ ದ್ವೀಪ ಚಾಕಲೇಟ್ ಗುಡ್ಡಗಳಿಗೆ ಭಾರೀ ಫೇಮಸ್…. ಎಣಿಕೆಗೆ ಸಿಗದಷ್ಟಿವೆ ಚಾಕೊಲೇಟ್ ಗುಡ್ಡಗಳು..!
ಈ ದ್ವೀಪ ಚಾಕಲೇಟ್ ಗುಡ್ಡಗಳಿಗೆ ಭಾರೀ ಫೇಮಸ್. ಅರೆ.. ಚಾಕೊಲೇಟ್ ಗುಡ್ಡಗಳಾ ಎಂದು ಹುಬ್ಬೇರಿಸಬೇಡಿ. ಇವು ತಿನ್ನುವ ಚಾಕೊಲೇಟ್ ಗುಡ್ಡಗಳಲ್ಲ. ಬದಲಿಗೆ ದೂರದಿಂದ ನೋಡಿದಾಗ ಚಾಕೊಲೇಟ್ ಗಳನ್ನು ಗುಡ್ಡೆ ಹಾಕಿದ ರೀತಿಯಲ್ಲಿ ಕಾಣುವಿದರಿಂದ ಈ ಹೆಸರು ಬಂದಿದೆ. ಫಿಲಿಪೀನ್ಸ್ ನ ಬಹೋಲ್ ದ್ವೀಪದಲ್ಲಿರುವ ಈ ಚಾಕೊಲೇಟ್ ಗುಡ್ಡಗಳು ಪ್ರವಾಸಿಗರನ್ನು ಬರ ಸೆಳೆಯುತ್ತವೆ.
ಎಣಿಕೆಗೆ ಸಿಗದಷ್ಟಿವೆ ಈ ಚಾಕೊಲೇಟ್ ಗುಡ್ಡಗಳು..!
ಈ ಕಣ್ಮನ ಸೆಳೆಯುವ ದ್ವೀಪದ ವಿಶೇಶತೆ ಅಡಗಿರುವುದು ವಿವಿದ ಗಾತ್ರದ ಚಾಕೊಲೇಟ್ ಗುಡ್ಡಗಳಲ್ಲಿ. ಸಾವಿರಾರು ಸಂಖ್ಯೆಯಲ್ಲಿರುವ ಈ ದಿಬ್ಬಗಳೇ ಈ ದ್ವೀಪದ ಅಸಾಮಾನ್ಯ ದೃಶ್ಯ. ಇದರಲ್ಲಿರುವ ಚಾಕೊಲೇಟ್ ಗುಡ್ಡಗಳು ಎಣಿಕೆಗೆ ಸಿಗದಷ್ಟಿವೆ. ಒಂದು ಅಂದಾಜಿನ ಪ್ರಕಾರ ಕನಿಶ್ಟ 1268 ಹಾಗೂ ಗರಿಷ್ಟ 1776 ಗುಡ್ಡಗಳು ಇರಬಹುದು ಎಂದು ಲೆಕ್ಕಹಾಕಲಾಗಿದೆ. ನಿಖರವಾದ ಸಂಖ್ಯೆ ತಿಳಿದಿಲ್ಲ.
ಈ ಗುಡ್ಡಗಳ ರಚನೆಯ ಬಗ್ಗೆ ಇನ್ನೂ ನಿಗೂಢತೆಯಿದೆ..!
ತ್ರಿಭುಜಾಕೃತಿಯ ಆಕಾರದಲ್ಲಿರುವ ಈ ಗುಡ್ಡಗಳು ದ್ವೀಪದ 50 ಚದರ ಕಿಲೋಮೀಟರ್ ವಿಸ್ತೀರ್ಣದ ತುಂಬಾ ಹರಡಿವೆ. ಬೊಹೋಲ್ ದ್ವೀಪದಲ್ಲಿ ಚಾಕೊಲೇಟ್ ಗುಡ್ಡಗಳು ರಚನೆಯಾದ ಬಗ್ಗೆ ಇನ್ನೂ ನಿಗೂಡತೆಯಿದೆ. ಇದರ ರಚನೆಯ ಬಗ್ಗೆ ಅನೇಕ ದಂತಕಥೆಗಳಿವೆ.
ಈ ಐತಿಹಾಸಿಕ ಗುಡ್ಡಗಳೇ ಬೊಹೋಲ್ ದ್ವೀಪಕ್ಕೆ ಪ್ರವಾಸಿಗರನ್ನು ಸೆಳೆಯುವ ಪ್ರಮುಖ ಆಕರ್ಷಣೆ. ಈ ಗುಡ್ಡಗಳ ಮತ್ತೊಂದು ವಿಶೇಶತೆಯಂದರೆ ಇದರ ಮೇಲ್ಮೈನಲ್ಲಿ ಯಾವುದೇ ರೀತಿಯ ಮರಗಳಾಗಲಿ ಪೊದೆಗಳಾಗಲಿ ಬೆಳೆದಿಲ್ಲದಿರುವುದು. ಹುಲ್ಲಿನ ಗಿಡ ಬೆಳೆಯಲು ಇದು ಸೊಗಸಾದ ಪ್ರದೇಶ. ಮಳೆಗಾಲದಲ್ಲಿ ಹಸಿರಿನಿಂದ ಕಂಗೊಳಿಸುವ ಹುಲ್ಲು ಬೇಸಿಗೆಯಲ್ಲಿ ಬಿಸಿಲಿನ ಬೇಗೆಗೆ ಒಣಗುತ್ತದೆ. ಒಣಗಿದ ಹುಲ್ಲು ಕಂದು ಬಣ್ಣಕ್ಕೆ ತಿರುಗುತ್ತದೆ. ಮರ ಪೊದೆ ಯಾವುದೂ ಇಲ್ಲದ ಕಾರಣ ಇಡೀ ಗುಡ್ಡಕ್ಕೆ ಕಂದು ಬಣ್ಣದ ಹಾಸನ್ನು ಹೊದಿಸಿದಂತೆ ಕಾಣುತ್ತದೆ. ಚಾಕೊಲೇಟ್ನಂತೆ ಕಾಣಲು ಇದೇ ಕಾರಣ. ಹಾಗಾಗಿ ಗುಡ್ಡಗಳು ಚಾಕೊಲೇಟ್ ಗುಡ್ಡಗಳು ಎಂದೇ ಪ್ರಸಿದ್ದಿ ಪಡೆದಿವೆ. ಈ ಗುಡ್ಡಗಳ ಸಮೂಹದಲ್ಲಿ ಅತಿ ದೊಡ್ಡ ಗುಡ್ಡ 120 ಮೀಟರ್ ಎತ್ತರವಿದೆ. ಉಳಿದೆಲ್ಲವೂ 30 ರಿಂದ 50 ಮೀಟರ್ ಆಸುಪಾಸಿನಲ್ಲಿವೆ.
ಚಾಕೊಲೇಟ್ ಗುಡ್ಡಗಳು ಭಾರೀ ಗಾತ್ರದ್ದಲ್ಲ. ಅತಿ ದೊಡ್ಡ ಗುಡ್ಡ 120 ಮೀಟರ್ ಎತ್ತರವಿದೆ. ಉಳಿದೆಲ್ಲವೂ 30 ರಿಂದ 50 ಮೀಟರ್ ಆಸುಪಾಸಿನಲ್ಲಿವೆ.
ಇಬ್ಬರು ರಾಕ್ಷಸರ ಹೊಡೆದಾಟದ ವೇಳೆ ಹುಟ್ಟಿದವಂತೆ ಈ ಗುಡ್ಡಗಳು..!
ಇಬ್ಬರು ದೈತ್ಯ ರಾಕ್ಷಸರ ಹೊಡೆದಾಟದಲ್ಲಿ ಒಬ್ಬರ ಮೇಲೊಬ್ಬರು ತೂರಲು ಬಳಸಿದ ಮಣ್ಣು ಮತ್ತು ಕಲ್ಲುಗಳ ರಾಶಿಯೇ ಈ ಗುಡ್ಡಗಳಂತೆ. ಕೊನೆಗೊಮ್ಮೆ ಶಕ್ತಿ ಕುಂದಿ ನಿತ್ರಾಣರಾದಾಗ ಮತ್ತೆ ಸ್ನೇಹಿತರಾಗಿ ಕೈ ಜೋಡಿಸಿ ಒಂದಾದರಂತೆ. ಇನ್ನು, ಮತ್ತಿಂದು ದಂತಕಥೆಯ ಪ್ರಕಾರ ಅತಿ ಸುಂದರ ಯುವ ದೈತ್ಯ ಅರೊಗೊಗೆ, ಸುಂದರ ಯುವತಿ ಅಲೋಯಾ ಮೇಲೆ ಪ್ರೀತಿಯಾಯಿತಂತೆ. ಆಕೆ ಪ್ರಾಣ ತ್ಯಜಿಸಿದ ಬಳಿಕ ಈ ದೈತ್ಯ ದುಃಖ ತಾಳಲಾರದೆ ಅತ್ತನಂತೆ. ಅಳುವಾಗ ಕಣ್ಣಿನಿಂದ ಸುರಿದ ಸಾವಿರಾರು ಕಣ್ಣೀರ ಹನಿಗಳು ಒಂದೊಂದೂ ಒಂದೊಂದು ಚಾಕೊಲೇಟ್ ಗುಡ್ಡವಾಯಿತಂತೆ. 
ಗುಡ್ಡಗಳ ನಡುವಿನ ಪ್ರದೇಶ ಸಮತಟ್ಟಾದ ಬಯಲಿನಂತಿದೆ. ಈ ಬಯಲು ಪ್ರದೇಶದಲ್ಲಿ ಹಲವಾರು ಗುಹೆಗಳನ್ನು, ಬುಗ್ಗೆಗಳನ್ನು ಕಾಣಬಹುದು. ಮಳೆಗಾಲ ಇಲ್ಲಿಗೆ ಭೇಟಿ ನೀಡಲು ಸೂಕ್ತ ಸಮಯ. ಫಿಲಿಪೀನ್ಸ್ ನಿಂದ ಇಲ್ಲಿಗೆ ತೆರಳಲು ಕ್ರೂಸ್ಗಳಿವೆ. ಅಲ್ಲದೇ ಟ್ರಾವೆಲ್ ಏಜೆನ್ಸಿ ಮೂಲಕ ಇಲ್ಲಿ ಭೇಟಿ ನೀಡಬಹುದು.
