ಚೀನಾ ಲ್ಯಾಬ್ ನಿಂದಲೇ ಕೊರೊನಾ ವೈರಸ್ ಲೀಕ್ : ಯುಎಸ್ ರಿಪಬ್ಲಿಕನ್ ವರದಿ
ಬೀಜಿಂಗ್ : ವಿಶ್ವವನ್ನೆ ತಲ್ಲಣಗೊಳಿಸಿದ ಕೊರೊನಾ ವೈರಸ್ ಚೀನಾದ ಲ್ಯಾಬ್ ನಿಂದಲೇ ಲೀಕ್ ಆಗಿದೆ ಎಂದು ವಿಶ್ವದ ಎಲ್ಲಾ ದೇಶಗಳು ಅಭಿಪ್ರಾಯಪಡುತ್ತಿವೆ. ಆದ್ರೆ ಇದಕ್ಕೆ ಚೀನಾ ನಿರಾಕರಿಸುತ್ತಲೇ ಬಂದಿದ್ದು, ಇದೀಗ ಈ ಹೆಮ್ಮಾರಿ ವೈರಸ್ ಚೀನಾದ ಲ್ಯಾಬ್ ನಿಂದಲೇ ಲೀಕ್ ಆಗಿದೆ ಎಂಬುವುದಕ್ಕೆ ಸಾಕ್ಷಿ ಸಿಕ್ಕದೆ ಎಂದು ಯುಎಸ್ ರಿಪಬ್ಲಿಕನ್ ವರದಿ ಮಾಡಿದೆ.
ಕಿಲ್ಲರ್ ಕೊರೊನಾ ವೈರಸ್ ಚೀನಾದ ವುಹಾನ್ ಮಾರುಕಟ್ಟೆಯಿಂದ ಹರಡಿದೆ. ಅದು ಯಾವುದೇ ಲ್ಯಾಬ್ ನಿಂದ ಲೀಕ್ ಆಗಿಲ್ಲ ಎಂದು ಚೀನಾ ವಾದಿಸುತ್ತಲೇ ಬಂದಿದೆ. ಆದ್ರೆ ಈಗ ಅಮೆರಿಕಾದ ಹೌಸ್ ಆಫ್ ಫಾರಿನ್ ಅಫೇರ್ಸ್ ಕಮಿಟಿಯ ಸದಸ್ಯ ಮೈಕ್ ಮೆಕಲ್, ಚೀನಾದ ಲ್ಯಾಬ್ ನಿಂದಲೇ ಕೊರೊನಾ ಲೀಕ್ ಆಗಿದೆ ಎಂದು ತಿಳಿಸಿರುವುದಾಗಿ ಯುಎಸ್ ರಿಪಬ್ಲಿಕನ್ ವರದಿ ಮಾಡಿದೆ.
2019ರಲ್ಲಿ ಮೊದಲ ಬಾರಿಗೆ ಚೀನಾದಲ್ಲಿ ಕೊರೊನಾ ವೈರಸ್ ಕಾಣಿಸಿಕೊಂಡು ಸಾಕಷ್ಟು ಸಾವು ನೋವುಗಳಿಗೆ ಕಾರಣವಾಯಿತು. ಆದ್ರೆ ಇದನ್ನ ಇತರ ದೇಶಗಳಿಗೆ ತಿಳಿಸಿದೇ ಮುಚ್ಚಿಟ್ಟು ಹೆಮ್ಮಾರಿ ವೈರಾಣು ಇಡೀ ವಿಶ್ವವೆಲ್ಲಾ ವ್ಯಾಪಿಸುವಂತೆ ಮಾಡಿತು.
ಇದರಿಂದ ರೋಸಿಹೋದ ಇತರೆ ದೇಶಗಳು ಇದು ಚೀನಾದ ಕುತಂತ್ರವಾಗಿದೆ. ಈ ವೈರಾಣು ಚೀನಾದ ಲ್ಯಾಬ್ ನಿಂದಲೇ ಲೀಕ್ ಆಗಿದೆ ಎಂದು ಡ್ರ್ಯಾಗಲ್ ದೇಶದತ್ತ ಬೊಟ್ಟು ತೋರಿಸಿದ್ದವು.
ಆದ್ರೆ ಚೀನಾ ಮಾತ್ರ ತನ್ನದೇನು ತಪ್ಪಿಲ್ಲ ಎಂಬಂತೆ ವಾದ ಮಾಡುತ್ತಿದೆ. ಆದ್ರೆ ಇದೀಗ ಯುಎಸ್ ರಿಪಬ್ಲಿಕನ್ ವರದಿಯ ಪ್ರಕಾರ ಚೀನಾದ ಲ್ಯಾಬ್ ನಿಂದಲೇ ಕೊರೊನಾ ವೈರಸ್ ಲೀಕ್ ಆಗಿರುವ ಬಗ್ಗೆ ಸಾಕ್ಷಿ ಸಿಕ್ಕಿರುವುದಾಗಿ ವರದಿ ಮಾಡಿದೆ.
